الثلاثاء، 2 نوفمبر 2010

الحـــــــــــــــــــب ..... بهــــــــــــــدله




الحــــــــــــــــــــــب ................. بهدلــــــــــه

هتقولوا عليا مجنونة ................ولا يهمكوا
بس محتاجة أوصولكم حقيقة موجوده فعلا إلى يومنا هذا !
كل شخص بيحب إنسانة ..........بيبهدلها
بيحب ......يمتلكها
بيحب يمشّى كلمته عليها  ........مش هى دى الحقيقة؟!
بمعنى أصح بيحب يعمل فيها سى السيد!!
           عجبــــــــــــ و ــــــــــــــــــــــــــــى
شخص ماــ هو:ماتنزليش فى المكان ده.
                  هى: ليه؟
                  هو:أنا قولت كدا وخلاص.
                  هى:مأنا محتاجة أعرف السبب ؟؟
                  هو:هو أنا عايز كدا.
                 هى:خلاص أوك (وتقوم قافله السكة فى وشه)

           مـــــــــــــــــش ده اللى بيحصــــل(عجبــــــــــــ وـــــــــــــــى)
تعليقى:
- ليه نوصل الحب بينا كدا؟؟؟
- الحب مافيش أجمل منه فى الحياة ليه  نخليه مجرد سيطرة وإني عايزة أمّشّى كلمتى على اللى بحبه؟؟؟؟
- الحب حنان ، تفاهم،احترام، عطاء،وفاء،إخلاص
 
ماعنديش تعليق غير إن أقول مقولة لكل بنت محتاجة إنها تحتفظ بكرامتها وبمشاعرها .


"لا تجعلى مشاعركى كالأرض تداس عليها ،بل إجعليها كالسماء يصعب الوصول إليها "
          
v   عرفتوا إن الحب .........بهدله
                                      عجبــــــــــــ وــــــــــــى
وسؤالى :
  تحبّوا تطلقواعلى الحب ده ايه؟؟
                                                   مستنيه ردودكم
                                                 بقلم : عاشقة الجنة



هناك 16 تعليقًا:

عاشقة الجنة يقول...

بسم الله الرحمن الرحيم

كتبت هذا الموضوع لإنى بكره السيطره ومش بحب حد يتحكم فيا أياً كان حتى لو حسه من نحيته بمشاعر حب وبإختصار كتبت الموضوع ده لانى جربت النوع ده من الحب وبطلق عليه حب السيطره لانى مالقتشى أى تسميه ليه غير الإسم ده ... يارب فكرتى تكون وصلت لكم وأكون أنالت إعجباكم ومستنيه ردودكم وتشرفونى دايماً .
عاشقة الجنة

باحث عن حب يقول...

الحب ثقه وصدق
مش خضوع وتملك
مش سيطره
اعتقد ان ده مرض
لان الحب حاجه عاليه حرام انها تلوث بحاجه زى كده مش سيطره ليه يعنى عبده عنده او عندها اللى بيحب بيسمع كلام اللى بيحبه بس ده مش ضعف ده ثقه
الحب معناه عندى احتواء بكل معانيه امان نسيان الهم مع من يستحق
لم اجرب بعد واقعيا ولكن الحب مش مقصود بين اتنين وبس
لا ممكن بين الناس كلهم شكرا على الموضوع الرائع ده

ツSmiLeY AnGeLツ يقول...

السلام عليكم
كلامك صحيح الايام هذه اصبح الحب سيطرة
وانا مثلك مابحب حد يسيطر علي
يقول السبب بعدين لو اقنعني السبب همشي كلامة ما اقنعني الله معاه وهو وكلامة
حابه اطلق عليه حب لبلا كرامة بلا عزت نفس حب لبلا عقل
في اغنية لحسين الجسمي نقول:
(كرامتي فوق كل حساب ياحبي
الاالكرامة حبيبي اعمل احسابك)
واقول الي هي بتمشي وارء كلامة وممشيها زي الرجل الالي
حاسبي نفسك وراجعي حساباتك
وهذا مش اسمة حب هذا اسمة حب امتلاك
يمتلكك يمشيك على العجين ماتلخبطيهوش
يارب يكون افتهملك قصدي
بجد بحيكي على هذا الموضوع موضوع حاصل بحياتنا موضوع حساس وجميل.
تقبلي مروري
سلامي لاجمل ارق بنوتة.

mrmr يقول...

عزيزتى عاشقه الجنه
انا من رايى ان الحب مش بهدله

علشان بحب ح اسمع كلام حبيبى بنفس راضيه
وعلشان هو بيحبنى ح يعمل كل ما فى وسعه علشان سعادتى

العمليه مش موضوع سيطره على قد هواحترام لمشاعرالاخر

انا بحبه ح احترم رغبته وغيرته عليا
وهو بيحبنى ح يحترم غيرتى مش ح يضايقنى

ده رايى وده الحب اللى عايشاه بمنتهى البساطه

مع احترامى لرايك وراى الاخرين

ربنا يسعدك ويسعد كل قلب

جايدا العزيزي يقول...

هو فيه احلى من الحب

وعلى رائ الست

احلى عذاب عذاب الحب للاحباب

موضوع رائع

تحياتى

همســـــــــــــ عتاب ـــــــــــــــة يقول...

انا اتفق معاكي
في ان تجعل الفتاه مشاعرها صعبة المنال ولاتجعلها كالارض يداس عليها

ولكن لكل قاعده شواذ وانا في رايي ان الحب من اجمل الاشياء ومش كل حبيب بيمتلك حبيبته بمعني السيطره ولكن بيكون حب زائد ومشاعر فائقه بيمتلكها بخوفه عليها وحبه ليها وهي لو متفهمه الحب ده بالطريقه الصحيحه مش هتاخده علي انه سيطره لمجرد انه ممتلكها وعلي سبيل المثال ازواج مرتبطين بدون حب ومع ذلك متحكمين في زوجاتهم بطريقه العن من المرتبطين
وده بياكد ان الحب ليس سيطره ولاامتلاك
وبالنسبة لسؤالك انا اسميه
الحب حسن اختيار ......
تحياتي

كلمات من نور يقول...

الحب لو كده يبقى فعلا مبهدله علشان فيه خلل يا لموستي .....الحب كلمة ابتدعها كثيرون و أكلقوا على مشاعرهم حبا وهو مش الحب الحقيقي ابدا

عاشقة الجنة يقول...

إلى "محمود "

انا ماقولتش الحب سيطرة ولا خضوع ولا تملك إلا اللى بيستخدمه كدا فعلا وانا منهم يعنى تجربتى بتحكى عن كدا كان الحب تملك وسيطرة وروحى هنا وماتروحيش هنا
فاهمنى؟؟؟
لكن طبعاً نفسى الحب يبقى ثقة وصدق زى مابتقول ويكون هناك فيه رحمة واحترام واخلاص والتماس الأعذار لبعض .

شكراً على مشاركتك معايا

عاشقة الجنة يقول...

إلى "خواطرى مع الحياة"

شكراً ليكى وتحياتى ديماً بالسعادة والحب.

عاشقة الجنة

عاشقة الجنة يقول...

إلى "مرمر"

الحب مش بهدله فى حاجة واحده فقط إن الإنسان اللى بيحبك فعلاً بيحبك أو فاهم يعنى ايه حب أو بمعنى آخر بيعرف يتعامل مع الحب كويس قوى .

لكن انتى بتقوليلى ان الحب مش بهدله
لا بهدله لو خوف حبيبك عليكى هيزيد
هتضطرى انك تتخنقى وبالتالى هتزهقى من حاجة اسمها حب وتتمنى انك تلاقى حد يعيشك فى هدوء وأمان مش خناق وعذاب

ده كل اللى قصدى من عبارة"الحب...بهدله"

عاشقة الجنة

عاشقة الجنة يقول...

على رأيك مافيش أحلى من الحب

لكن الحب اللى يوصلك لدرجه الخنقة
والحب اللى يوصلك لدرجة انك تكرهى الحب نفسه من قله احترامه ليكى وقله التفاهم

ده ماسمهوش حب
يبقى بهدله ولا لا؟؟؟؟؟
ميرسى ليكى جايدا
تحياتى

عاشقة الجنة يقول...

إلى" همسة عتاب "
أنا معاكى فى كل كلمة بتقوليها
لكن انا قولت اللى بيحب ويوصل الحب لحب سيطرة ان اللى بيحب مش بيعرف يتعامل مع الحب بالطريقة الصحيحه
وان كان فى تفاهم واحترام من الأول
كانت هتبقى الأمور اختلفت تماماً وهيقدروا يستمروا مع بعض .

تحياتى ليكى

عاشقة الجنة يقول...

إلى "كلمات من النور "

شكرا جدا على مشاركتك لى ونورتينا ويارب أكون أنالت إعجباك كل اللى قرأ فكرتى وموضوعى .

تحياتى
عاشقة الجنــــة

انــــــــــــــ حياتى ــــــــــــــــت يقول...

موضوعك ياجميل ياعاشقه الجنه تسلم ايديكى بس الحب شئ جميل مفيش حبيب بيسيطر ع حبيبته عشان عاوز يمتلكها لو هو فاهم الحب وهى فاهمه الحب بطريقه صحيحه هيتعاملوا صح لاهو هيتحكم ولا هى هتعمل حاجه مش راضى عنها لكن اللى بيتعامل زى ما قولت سى السيد ده فاهم الحب غلط انه سيطرة وتملك وده للاسف مش معنى الحب الحب تفاهم استقرار ثقه وامان ومعانى تانيه كتير احنا اللى بنستخدمه غلط
تقبلى مرورى دمتى بخير وبالتوفيق دائما

بوسي يقول...

الكلام دة ممكن يكون ناتج عن غيرة
والغيرة دليل الحب بس لو زادت عن حدها يبقا شك وحب تملك ودة طبعا شيئ مرفووووووق ومسمهوش حب
تسلم ايدك

عاشقة الجنة يقول...

سلام عليكم

بالنسبة ل"إنت حياتى" شكرا على ردك وده الرد اللى فعلاً كنت أقصده من خلال موضوعى وشكراً جدا على مشاركتك معايا
تابعينا ديماً تحياتى


بالنسبة ل"بوسى" ميرسى ياقمر على مرورك ومشاركتك معانا والحب فعلا الناتج عن غيره ممكن يوصل لحاجات تدمر العلاقة بين الشخصين تحياتى ليكى