الاثنين، 6 ديسمبر 2010

أشتاق إليك..............ولكن سأجد الحب من بعدك


                                                                               



أشتاق إليك حبيبــــــــــــى
أشتاق إلي حنانك بكل وقت
أشتاق إلى همسك حتى الآن
أشتاق إلى روحـــك بأن تسكن بقلبى
ولا تتركنـــــــــــــــى لمقاسى الحياة

حبيبـــــــــــــــــــــــــــــــــى

دقات قلبى لا تنبض إلا لك
ولهفة عيناى لا ترى أحداً سواك
مالى حبيب مثلك بهذه الحياة!!!
مالى وجود بها ما دُمت بعيد عنى

بُعدك عنى أعانى منه حتى الآن
تركتنى وتركت بداخلى كل الأحزان
تركت كل الآلام والأوجاع



حبيبـــــــــــــــــــــــــــــــــــى

سوف أعيش الحياة بدونك
وأحلامى سأحققها من غيرك
وسأجد الحب الحقيقــــــــــى
الذى أتمناه من بعدك

هعيش من غيــــــــــرك


          بقلم :عاشقة الجنة
عجبـــــــــــــــــ و ـــــــــــى           

                                                                                           

هناك 27 تعليقًا:

عاشقة الجنة يقول...

السلام عليكم ورحمة الله وبركاته:

طبعاً منتظره تعليقاتكم الرائعة سواء بالمديح او النقد .

لكن احتمال اتوقف عن نزول موضوعاتى
لأسباب خارجة عن إرادتى وهحاول بقدر الإمكان إنى أرد على تعليقات حضراتكم

خالص تقديرى واحترامى
لأحلى صحبة حلوة

باحث عن حب يقول...

حبيبـــــــــــــــــــــــــــــــــــى

سوف أعيش الحياة بدونك
وأحلامى سأحققها من غيرك
وسأجد الحب الحقيقــــــــــى
الذى أتمناه من بعدك

هعيش من غيــــــــــرك


ايوة كده عندك حق
لازم الحياه تمشى متتوقفش على حد
______________________________
ليه كده بس
احنا اعتودنا على كلامك فى وعجبى
يارب يفرج ما انتى فيه
ياريت ما تغيبى عننا
بارك الله فيكى

عاشقة الجنة يقول...

سلام عليكم:
محمود:
ميرسى يامحمود بجد ده من ذوقك
وفعلاُ الحياة مش هتتوقف على إنسان
راح حتى لو اختارنا النهاية التعيسة بإيدينا
بس غيابى فترة وان شاء الله هرجع تانى
عايزة آخد هدنة وعشان كمان الإمتحانات
وكمان الكشكول اللى كنت بكتب فيه
اتسرق ومش عارفه اعمل ايه هحاول بقدر الإمكان اجمع اللى كتبته تانى
بس فى الفترة الحالية دى مش هينفع

ديماً بتكون فى بداية التعليقات
خالص تقديرى واحترامى وديماً منورنى فى
وعجبى


تحياتى

يمين فى يمين يقول...

كنت هنا ليوم

حقيقى مدونة جميلة

وطريقتك فى الكتابة احلى


ودى واحتراى

سندباد يقول...

اولا سنفتقد وجود معانا
ثانيا المعني اللي في البوست جميل الحب شئ جميل بس من غير ما يملكنا ويتحكم في مصيرنا
تحياتي
تقبلي تقديري واحترامي

هشام الجندي يقول...

ناجيت حبيبي وما أروع مناجاتاه
اشتقت إلى هواه وما طقت معاداته
تمنيت له السعادة في كل أوقاته
ما اصعب البعد عنه
وما أصعب الرجوع إليه
سيأتي يوماً وسيضئ الحب حياتي
وسأحيا مع حب أخر بقية زماني
كلماتك كلها رقة وإحساس دمت بحفظ الرحمن
يا من أخترت أجمل عشق في الكون
عشق يتمناه الجميع عشق الجنة

عاشقة الجنة يقول...

يمين فى يمين:

ميرسى ليك جداً
والمدونة تزيد شرف لدخول حضرتك بها
وبجد نورتنا وهتكون أجمل لو ظليت
معانا دائماً بتعليقاتك ومديحك الرائع

تحياتى

عاشقة الجنة يقول...

سندباد:

ده من ذوق حضرتك بس
بس والله هحاول ادخل واكتب
قبل ماتيجى الإمتحانات.

-------

عندك حق ان الحب شىء جميل من غير مايملكنا ويتحم فينا مصيرنا وكمان صعب انك تحب حد قوى وغصب عنك تتحكم فيكم ظروف تبعدوا عن بعض ياله من مرار وعذاب

-------

خالص تقديرى واحترامى
تحياتى إليك

عاشقة الجنة يقول...

hsendbad:

ميرسى جداً على مشاركتك معى
وبجد كلماتك رقيقة قوى والقافية
ما شاء الله عندك رائعة .........

------
منورنا وسعيدة جدا ان حضرتك
مشاركنا أفكارنا وموضوعاتنا
وديماً تكون مع أحلى صحبة بالمدونة

-----
خالص تقديرى واحترامى
تحياتى

2alam_Rosas يقول...

أولا بجد هتوحشينا
انا دخلت مدونتك من مدة قصيرة ويمكن دة تانى او تالت تعليق هنا
وانتى تقولى هتسيبينا هو انا وشى وحش عليكي ولا ايه؟؟

وبالنسبة للبوست
عجبتنى الجملة دى
سوف أعيش الحياة بدونكوأحلامى سأحققها من غيركوسأجد الحب الحقيقــــــــــىالذى أتمناه من بعدك

أصل انا دايما بحب الكبرياء فى الحب

Unknown يقول...

الكلام جميل أوي تسلم ايديكي

Carmen يقول...

رائعة كلماتك ورقيقة
احساس عالي بجد تسلم ايدك
تحياتي

كلمات من نور يقول...

تـمـر الايآم والشهـور لنبـدآ سنـة جديدة
ونطـوي سنـة مرت بكل مافيها من ذكريات
في كل سنـة تختلف مشاعرنا وآحاسيسنا
فقد مرت السنة بالعديد من الذكريآت
المؤلمة والجميلة
والتي كان لها الاثر الكبير في نفوسنا
ولايسعني عند نهاية كل عام سوى آن أتمنى
لنفسي ولمن أحب سنة مليئة بالافراح
والمحبة والسلام والسعادة والنجاح وندعـو لمن فقدنا من الاحباب بالرحمة

عاشقة الجنة يقول...

florieda:
بجد انتى هتوحشينى اكتر
وهتوحشنى تعليقاتك الجميلة
بس والله هحاول اكون معاكم
كل يوم أثنين وادعو لى ان
ربنا يقدرنى على المزاكرة
وانجح واجيب تقدير انا وكل
الطلاب والطالبات بإذن الرحمن
وبالعكس انتى مش وشك وحش ولا حاجة
هى ظروف وهتخلص ان شاء الله

ميرسى على مديحك لى وده بس من ذوقك
والكبرياء فى الحب لازم يتواجد عشان من
غيره مش هنقدر نعيش ولا هنتغلب على الصدمات اللى بتحصلنا

خالص تقديرى واحترامى

عاشقة الجنة يقول...

شيرين سامى:

ميرسى ليكى ياقمر
وشرفتنى بتعليقك وده شرف كبير
قوى ان حضرتك تكونى بتشاكينى وبتابعينى

تحياتى

عاشقة الجنة يقول...

كارمن:
بجد ميرسى ليكى
وديماً مشرفانى ومنورانى
وده بس من ذوقك ياجميل

تحياتى لكى

عاشقة الجنة يقول...

كلمات من نور:

بجد كلماتك جميلة قوى
وربنا يرحم جميع المسلمين
والمسلمات يارب

وتكون السنة دى جديدة بدون
ألم ووجع وتكون مليئة بالحب والفرحة
السعادة والأمل فى ربنا انه يدخلنا
فسيح جناته "أمين"

تحياتى لكى

BNT ELISLAM يقول...

حميل اوى واحساس عالى
احترامى لكى

يمين فى يمين يقول...

وعجبى

صدقينى عاشقة الجنة الى كان ناقص الموضوع دا

قبل كل صورة كان ناقص كلمة وعجبى


بس حقيقى موضوعك دا اجمل

واستحملى بقى تعليقاتى

ツSmiLeY AnGeLツ يقول...

السلام عليكم
هو ده الكلام اكيد هتتعيشي الحياة من بعد فراقة واكيد هتكون اجمل كمان
اصل لو كان هو بجد بيحب عمره ماهيفكر انه بفارق
ومش هتوقف الحياة من بعد فراق
كلمات بسيطة لكن معناها كبير
ربنا يوفقك
ولاتتاخري علينا بالغيبة
ماتحرمينا من كلامك الجميل
مستنياكي
تقبلي مروري
سلامي لاجمل وارق بنوتة.

عاشقة الجنة يقول...

يمين فى يمين:
اولا : مش بزعل من التعليقات خالص
ثانياً :كل واحد ووجهه نظره بس شوفت ان الكلمات كدا أرق وأبسط من انى اكتب قبل كل صورة وعجبى........

شكراً على تعليقاتك واكيد هستحملك
بس عشان بتدخل وتشرفنا ومنورنا
برأيك وده طبعاً شرف واكيد بتعلم من
الأخطاء ......

خالص تقديرى واحترامى

عاشقة الجنة يقول...

بنت الإسلام:

ميرسى قوى على كلامك الجميل
وديماً منورانى فى "وعجبى"

خالص تقديرى واحترامى

عاشقة الجنة يقول...

خواطرى مع الحياة:

ازيك ياقمر
وحشااانى والله وفعلاً انتى عندك حق
فى كل كلمة انتى قولتيها وبجد الدنيا عايزانها تمشى من بعد الفراق ......
بس اللى يقدر يعمل كدا قليليين مش كتير

ربنا يفرح قلب كل مسلم ومسلمة ويسعده ومايكتب عليه فراق أبداً
قولى أمين

خالص تقديرى وواحترامى

Casper يقول...

اولا السلام عليكم ورحمة الله وبركاته

في البداية أحب أحييكي على الخاطرة لأنها جميلة جدا واستطعتى التعبير عن أفكار كثيرة باستخدام كلمات قليلة هذا وإن دل فيدل على تميز بلا شك

===========

اسمحي لي أُبدي ملحوظات صغيرة جدا

في بداية الخاطرة وجدت جملا عبرت عن أسمى معاني الحب والعشق التى لا نراها سوى في عالم الخيال لكن سرعان ما صُدمت في الجزء الثاني من الخاطرة حين وجدت تناقضا غريبا مع سابقه ...

كيف هي تتحدث بصيغة المضارع وبصيغة الحالية الاستمرارية وتقول أشتاق .. روحك تسكن قلبي ...عيناي لا ترى احدا سواك ... ثم أجد في النهاية بأن البطلة تقول له سوف أعيش بدونك وسأحقق أحلامي من غيرك فكيف هذا !

ايضا بدأت الفقرة الثانية بلفظة حبيبي ثم تكملة الكلمات المتناقضة مع الكلمة ذاتها .

رأيي
إما أن نقول أنه من البداية لم يكن حبا والبطلة ظنته حبا ومن هذا المنطلق نبرر الجزء الثاني من الخاطرة وأما أن نقول أنه حب حقيقي بالفعل وبالتالي سنضع الكثير من علامات التعجب أمام الجزء الثاني

حقيقة الأمر جاءت الفقرة الثانية لتجعلني لم أقتنع بالخاطرة فنياً لكن كأسلوب وتعبيرات فهي رائعة

أعلم أن الخاطرة ليست كالمقالة بكونها ليست مجالا للأخذ والرد لكن هذا لا ينفي أنها فن مشابه للقصة والمقال وتحتوي على تسلسل من الافكار تأتي في تقديم وعرض ثم خاتمة

أخيرا
هي ملحوظات صغيرة ليست بنقد أو ما شابه فلست بناقد ولا أملك زمام النقد
فقط هي طرح لوجهة نظري في كلمات راقية لكاتبة متميزة ولا أخفي عليكِ كما ذكرت سابقا فأنا حديث عهد بالكتابة

=========

بالتوفيق دائما
وفي انتظار المزيد من الابداعات

خالص تقديري واحترامي
Casper

عاشقة الجنة يقول...

وعليكم السلام ورحمة الله وبركاته:

اهلا بيك casper:
وبجد انا مبسوطة بزيارتك لى بالبوست
وكنت متأكده انك هتكتب الملحوظات دى
بس انا ليا وجهه نظر بإنى مش بهتم وقولت لحضرتك قبل كدا إنى
بكتب اللى بحسه يعنى:
انا فعلاً بشتاق لحبيبى فى الخاطرة ولكن لما البعد كان اقوى من الحب قولت فى النهاية انى سأجد الحب من بعده لان البطلة مش هتفضل عايشة على حبه طول العمر إلا إذا كان حب حقيقى بالفعل
لكن لما اتصدمت وعرفت انه مش حب وبتشتاق له وبالرغم من ذلك الحياة مش هتقف عندها لكن سأجد الحب من بعدك...

انا قولت مش بزعل نم النقد ولا الملحوظات بل بالعكس دى بتجعلنى اتحسن فى الكتابة وانا طبعا من حديثى الكتابة مش حضرتك ....

خالص تقديرى واحترامى
تحياتى

Casper يقول...

لا عليكِ عاشقة الجنة

=========

بالتأكيد هي خاطرة رائعة وما أدرجت ملحوظاتي إلا لأن الكلمات أعجبتني كثيرا واحساسها صادق إلى أبعد الحدود

=========


هنفتقد كلماتك في الفترة دي
واكيد في انتظار ابداعاتك

بالتوفيق دائما
Casper

عاشقة الجنة يقول...

CASPER:
ميرسى قوى أسامة
ده من ذوقك ورقتك
ومش هاجى حاجة جنب اللى انت
بتكتبه

انت أستاذى
خالص تقديرى واحترامى