الخميس، 3 فبراير 2011

كفـــــــــــــاية ............



بسم الله الرحمن الرحيمِ

 اللهم صلى وسلم وزد وبارك على سيدنا ونبينا محمد " عليه أفضل الصلاة والسلام."
كنت عايزه أعود لكم فى ظروف أحسن من كدا  لكن ما باليد حيـــــــــــــــــــــــــلة .
عايزة أوصل اللى جوايا من حزن وأقولكم إن حرام اللى بيحصل فى مصر وحرام
المسلمين يقّتلوا فى المسلمين اللى زيّهم وإحنا بنعتبر شعب مصر شعب واحد
  متجمعين فى الأفراح و الأحزان  ..............معقـــــــــــــــــــــــــــول تكون دى النهـــــــــــــــــــــــاية
معقــــــــــــــــــول مصر تتخّرب بالشكل ده ؟؟!              معقول المسلمين ماعندهمشى عقل
ولا تفكير ولو شوفتوا وبتابعوا البرامج " بيجروا زى الهُبل بالظبط " واللى بيقتل واللى بيضرب
واللى ماسك فى إيده سلاح !!!!!   لا حول ولا قوة إلا بالله العلى العظيــــــــــــــــــــــــــــــــــــــــم
يعنى للدرجة دى مافيش عقل وهو إنت مش ممكن وانت بتقتل الناس يجى  أخوك ولا أختك فى المظاهرات دى
يتقتلوا على إيد واحد مصرى ومسلم زيّك ؟؟! هو ايه اللى جرى للشعب ؟؟! وايه اللى جرى لعقولهم ؟؟؟!

اللهم إرحمنا يارب وإرحم أموات المسلمين جميعاً

يا جماعة عايزين نفوق عايزين نأخد هدنة زى ما بيقول "عمرو أديب "
إنتو ماتتصوروش قد إيه إحنا شوفنا رعب وخوف فى الكام يوم اللى فاتوا
ماحدش شافوا قبل كدا  لدرجة ان ماكنشى حد بينام من كتر القلق وحس الإستطلاع
اللى جواهم والسؤال اللى بيتكرر فى عقولهم " ومـــــــــــــــــــــــــاذا بعــــــــــــــــد؟!"
إرحموا أطفالكم إنتوا بالشكل ده واللى بينزل عشان يقبض ويأخد وجبة وفلوس  ...إلخ
هيقابل ربنا إزاى وهو بيقبل على نفسه إنه يدخّل الخوف والقلق والتخريب والتدمير فى قلوب المسلمين
والمصريين والبيوت ؟؟؟!
عايزة أقول فى أخر كلامى إن ده إمتحان من ربنا ودى أزمة ولازم نعدى منها بسلام وأمن وأستقرار
ولازم يا جماعة كلنا نحمد ربنا على نعمته مهما كانت قليلة لإن كل اللى بيحصل ده عدم شكر ربنا على نعمه
وانا معاكم برضه ان فى ناس تعبانين من الفقر والشباب من البطالة  والله معاكم
بس مهما كان احنا مسلمين لازم نجتمع مع بعض ونبقى إيد واحدة ونحمد ربنا فى كل حال من الأحوال
وان شاء الله ربنا يسترهـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــا
صلوا على رسولنا الكريم وماتنسوش الرحمة لأخوانا المسلمين .      شكراً




هناك 14 تعليقًا:

هشام الجندي يقول...

اللهم ارحمنا وتب علينا
لا تجعلوها فتنة تقضي علينا وتذكروا حديث رسول الله صلى الله عليه وسلم رواه البخارى‏ ‏حدثنا ‏ ‏عبد الرحمن بن المبارك ‏ ‏حدثنا ‏ ‏حماد بن زيد ‏ ‏حدثنا ‏ ‏أيوب ‏ ‏ويونس ‏ ‏عن ‏ ‏الحسن ‏ ‏عن ‏ ‏الأحنف بن قيس ‏ ‏قال ‏ذهبت لأنصر هذا ‏ ‏الرجل ‏ ‏فلقيني ‏ ‏أبو بكرة ‏ ‏فقال أين تريد قلت أنصر هذا ‏ ‏الرجل ‏ ‏قال ارجع فإني سمعت رسول الله ‏ ‏صلى الله عليه وسلم ‏ ‏يقول ‏ ‏إذا التقى المسلمان بسيفيهما ‏(‏ فالقاتل والمقتول في النار )‏ فقلت يا رسول الله هذا ‏(‏ القاتل)‏ فما بال ‏(‏ المقتول)‏ قال إنه كان حريصا على قتل صاحبه والحديث رواه أيضا الإمام مسلم وغيره من أصحاب السنن

عاشقة الجنة يقول...

سلام عليكم:
hSendbad
عندك حق فعلاً فى كل كلمة بتقولها على لسان رسولنا الكريم وأصحاب العلم الرفيع
عايزة أقولك اننا لو عندنا عقل وبنفكر صح كانت البلد هتفضل فى أمان واستقرار لكن وحياة ربنا ان البلد دى فيها ناس بيقبلوا على نفسهم أشياءغير مشروعة

اللهم إرحمنا وأسترنا وإحمينا يارب وأنصرنا على من يعادينا
قولوا آمين

تقديرى واحترامى لكل مصرى

BNT ELISLAM يقول...

يارب اهدينا واهدى حالنا
وارحمنا اغفرلنا
واسترها معانا
يارب ارقع غضبك علينا اذا كان غضب واذاكان ابتلاء فجعلنا اهل لهذا الابتلاء
يارب اعفى عنا يارب ارحمنا انك رحيم تحب العفو اعفوا عنا

عاشقة الجنة يقول...

بنت الإسلام:

اللهم آمين

شكراً ليكى على مشاعرك الجميلة ودعواتك الأجمل.

تحياتى

mrmr يقول...

ربنا يهدى الحال
هانت
وفرج ربنا قريب
ربنا يحمينا ويحمى مصر وشعب مصر

عاشقة الجنة يقول...

مرمر:

اللهم امين يهدى الحال
ويحمينا من كل شر وكل سوء
ويرفع عنّا غصبه ويسترنا من فوق الأرض ومن تحتها ويوم العرض

اللهم امين
تحياتى على شعورك الطيب

ツSmiLeY AnGeLツ يقول...

ربنا يبعد عنها كل سوء ويبعده عن اهلها
ماضاقت الاوفرجت وفرج ربنا قريب ان شاءالله
ربنا يخلي مصر لاهلها ويخلي اهلها لها.

eng_semsem يقول...

المفروض اللي يفتكر الحديث اللي بيقتل ويحرق مش اللي بيطالب بحقه
اللي حابس الحريه وسجنها عنده وبيعذبها مش اللي واقف عشان ياخد حريته
الفتنه ان احنا نسكت على الظالم ونديه زياده عن حقه ونملكه رقبة شعبه
اللي قتل مش بشر اللي قتل النظام واللي سرق واللي حرق وفي ناس لسه بتقول نستحمله
بكره اللي قتل اخويا يقتل اخوك لو مش هتقف ضده
الساكت عن الحق شيطان اخرس

ツSmiLeY AnGeLツ يقول...

مبرووووووووووووووووووووووووك عليك يامصر
مبروووووووووووووووووووووك عليك يامصر
بكرة يوم جديد حياة جديده امل جديد
الف مبروك
الله يحمي مصر وشعبها

أبو فارس يقول...

مبروووك علينا الحرية

والحمد لله على سلامتك

تحياتي

عصفور طل من الشباك يقول...

دب ما كانتش النهاية ولا كانت فتنة دي كانت قولة حق عند سلطان جائر ونصر الله الحق

اللهم أتم نعمتك علينا

هبة فاروق يقول...

مبروك حبيبتى على الثورة والحرية
ولو انها جاية متاخرة
سعيدة بمعرفة طريق مدونتك ومتابعة ان شاء الله
تحياتى

;كارولين فاروق يقول...

السلام عليكم
ربنا ارحمنا واجعل مصرنا آمن
تحياتي
تقبلي مروري

Wise يقول...

اللهم صلة وسلم وبارك على سيدنا محمد وعلى اله وصحبه اجمعين

ربنا يرحمنا من الفتنة ويرحم موتى المسلمين ويتجاوز عنهم
جميل البوست ماشاء الله
اتمنى لك المزيد من التوفيق